Patriot Boerbokstoetooi in prima kondisie

U eerste indruk van Patriot Boerbokstoet se diere is hulle uitstekende bouvorm, groote, eenvormigheid en puik kondisie wat op natuurlike veldweiding verkry word.

Ons streef daarna om grootraam diere met stewige bene wat hulle instaat stel om met gemak lang afstande oor moeilike terrein te stap, te teel.  ‘n Glade haarkleed verseker dat grassade, klitse, dorings en uitwendige parasiete nie maklik vatplek aan hulle kry nie.  Dié glade haarkleed ontwikkel ‘n dik onderlaag tydens ons strawwe winters wat die diere teen die koue beskerm.   Die rasstandaarde aanvaar wel ‘n ligte sandkleur tot ‘n donker sjokoladebruin op die kop en nek maar ons persoonlike voorkeur is ‘n ryk rooibruin wat die veredeling van ons pragtige Boerbokke beklemtoon.